Hei te rā nei ka whakapōtaetia te rāngai 351 ki Te Kāreti o Te Karauna mō Ngā Pirihimana o Aotearoa
Ka kopoua ngā pirihimana e whitu tekau mā ono o te rāngai 351 i te rā nei, ā, ka whakapōtaetia ki Te Kāreti mō Ngā Pirihimana ki Porirua.
Ka tae ā-tinana a Minita Poto Williams rātou ko te kairangi o te rāngai a Phillip Green, ko te Kōmihana a Andrew Coster ki te whakapōtaetanga, ka pāohotia ki ngā whānau me ngā hoa.
Ka tohua ngā mema rāngai ki ngā rohe puta noa i Aotearoa, ā, ka tīmata ā rātou mahi mai i te 14 o Māehe.
I whakamanawatia te nuinga o rātou kia uru nā ō rātou mema whānau kei te mahi kē mō Ngā Pirihimana – te whai i ngā tapuwae o ō rātou pāpā, māmā … me ā rātou tamāhine anō hoki. Kua whai a māmā, ā tōna wā, a Pirihimana Mel Isaacs i tāna tamāhine ki Ngā Pirihimana. Ko tāna, “He tūranga hurikōaro tēnei e pai ana ki ahau.” Kua tohua a Mel ki Te Rohe o Te Tai Tonga.
Ko tā Summa Lewis, ka riro i a ia te tino whakawhiwhingao te rāngai, he mea whakamanawa ia e tōna māmā, tētahi tāriana kairapuhara. I whakaatu mai tō Summa māmā ko te mahi a te pirihimana “he āwhina i te tangata, otirā ērā e werohia ana e ngā rangi kikino.” Kua tohua a Summa ki Te Rohe o Te Tāone o Tāmaki Makaurau.
E mōhio whānuitia a Phillip Green, kairangi o te rāngai hei kaitakawaenga, hei kaiapitireita, hei kaiwhakawā, hei kaiwhakarite, hei rōia anō hoki. Kua mahi kē ia ki roto i ngā mahi whakatau wenerau mō ngā tau 30 neke atu, ki reira kaiwhakarite, kaitakawaenga ai i te tini o ngā tautohetanga. I te tau 2021, i kopoua ia hei heamana o te Rōpū Whakawhirinaki Hapori Mō Ngā Wāhi Apiapi, te rōpū māngai mō ngā rōpū hapori o Aotearoa ka hoatu i ngā kupu āwhina, ngā kupu tohutohu ki ngā umanga kāwanatanga.
Te Hunga Ka Tohua
Ka tohua te rāngai ki ngā rohe pēnei.
Te Hiku-o-te-ika – 3, Tāmaki Makaurau – 29, Waikato – 6, Te Waiariki – 5, Te Rāwhiti – 5, ki waengapū – 6, Te Whanganui-a-Tara – 8, Tāhimana – 1, Waitaha – 8, Te Tai Tonga – 5
Ngā Tatauranga a Te Rāngai
Wahine 44.7%; tāne 55.3%; Pākehā 68.4%; Māori 14.5%; Poronīhia 7.9%; Āhia 6.6% me Ngā Tauiwi 2.6%.
KA MUTU
